SANTOME KU PLINSPI: KONFUSON LUNGUA ANTE KONFUSON LASA

N ta mese skleve ũa dja!

N ta mese skleve, ũa dja!
Mali ku’am tantu stima,
Ku xiga kuida n’ixi k’n ta podji,
N be amole n’e ku tava ka fada mu:
- Skleve pa n ka sa ka nota,
Pa a po le’e!
Kwa na sa mina sóia
Ku a ta mese fe da mu fa;
N’áza, so xe pena K’n toma,
skleve da’m me!
Tudu kwa se sa soia di inem molado poson

Ku Inem boka vozu Ton Swali
ũa ka bixi, peta glavata; ka sama otlo : «seu forreco»!

Otlo ka kudji: non se kola manga basu, non ka kontenta ku fluta ku koko ku moyo bunzu, okoly o klinkete ku zete kokondja
Bodon tenpladu, biska 61, vin pema uswa, baile sokope, lundu ku almandadji

Oze «forreco» bila folo slivizadu, punda e toma «alforia» – sa plume gabon ku lentla tela

Plume gabon ku lentla tela ska pont’otlo kuma ele so sa dono tela
Tudu kwa se sa poji ndufa, we tapadu ku tlaxi betu !
N ta mese skleve, ũa dja!
Mali ku’am tantu stima,
Ku xiga kuidá n’ixi k’n ta podji!

Por Jerónimo Xavier de Sousa Pontes